വെള്ളത്തിനും വില കൂട്ടി സർക്കാർ

സാധാരണക്കാരന് വീണ്ടും തിരിച്ചടിയായി വെള്ളത്തിനും വില കൂട്ടി സർക്കാർ. സംസ്ഥാനത്ത് പുതുക്കിയ വെള്ളക്കരം നിലവിൽ വന്നു. ലിറ്ററിന് ഒരു പൈസയാണ് കൂട്ടിയിരിക്കുന്നത്. ഇതുമായി ബന്ധപ്പെട്ട ഉത്തരവ് വെള്ളിയാഴ്ച പുറത്തുവന്നിരുന്നു. പുതുക്കിയ വെള്ളക്കരം അനുസരിച്ച് ഒരു കുടുംബത്തിന് ഇനി 200 രൂപ മുതൽ 400 രൂപ വരെ അധികം നൽകേണ്ടി വരും. പുതുക്കിയ നിരക്ക് വെള്ളിയാഴ്ച ഉപയോഗിച്ച വെള്ളത്തിന് മുതൽ ബാധകമായിരിക്കും.