സൂര്യകിരണിന്റെ വ്യോമാഭ്യാസപ്രകടനം ഇന്ന് ശംഖുമുഖത്ത്

ഏഷ്യയിലെ ഏറ്റവും മികച്ച വ്യോമാഭ്യാസ സംഘമായ സൂര്യകിരൺ ടീം അവതരിപ്പിക്കുന്ന വ്യോമാഭ്യാസപ്രകടനം ഇന്ന് തിരുവനന്തപുരത്ത് നടക്കും. ശംഖുമുഖം കടൽ തീരത്ത് രാവിലെ 8.30 നാണ് വ്യോമാഭ്യാസ പ്രകടനം അരങ്ങേറുക. ഇന്ത്യൻ വായുസേനയുടെ യുദ്ധവിമാനങ്ങളിലെ പൈലറ്റുകൾക്ക് പരിശീലനം നൽകുന്ന വിഭാഗമാണ് സൂര്യ കിരൺ. 9 വിമാനങ്ങൾ അടങ്ങുന്ന സംഘമാണ് സൂര്യ കിരൺ ബാച്ചിൽ ഉൾപ്പെടുന്നത്.