സാമൂഹിക സുരക്ഷാ പെൻഷൻ; കർശന നിർദ്ദേശം നൽകി ധനവകുപ്പ്

വാർഷിക വരുമാനം ഒരു ലക്ഷം രൂപക്ക് മുകളിലുള്ളവരെ സാമൂഹിക സുരക്ഷാ പെൻഷനിൽ നിന്ന് ഒഴിവാക്കാൻ കർശന നിർദ്ദേശം. 5 ലക്ഷം പേരെങ്കിലും ഇതോടെ പദ്ധതിയിൽ നിന്ന് പുറത്താകും. നിലവിൽ 50.5 ലക്ഷം പേരാണ് മാസം 1600 രൂപവീതം പെൻഷൻ വാങ്ങുന്നത്. വരുമാന സർട്ടിഫിക്കറ്റ് ശേഖരണം ഫെബ്രുവരി 28 ഓടെ പൂർത്തിയാക്കാൻ പഞ്ചായത്ത് ഡയറക്ടർക്കും നഗരകാര്യ ഡയറക്ടർക്കും ധനകാര്യ വകുപ്പ് നിർദ്ദേശം നൽകിയിട്ടുണ്ട്.