കാലാവസ്ഥാ മുന്നറിയിപ്പ്: വീണ്ടും മഴക്ക് സാധ്യത

കേരളത്തിൽ അടുത്ത ആഴ്ചമുതൽ ശക്തമായ ഒറ്റപ്പെട്ട മഴക്ക് സാധ്യത. തെക്കൻ കേരളത്തിലാണ് മഴ കനക്കുക. ഈ വർഷത്തെ ആദ്യ ന്യൂനമർദ്ദം തെക്ക് കിഴക്കൻ ബംഗാൾ ഉൾക്കടലിൽ രൂപപ്പെട്ടതായും കാലാവസ്ഥാ നിരീക്ഷണ കേന്ദ്രം അറിയിച്ചു. അടുത്ത 2 ദിവസത്തിനുള്ളിൽ ഇത് ശക്തി കൂടിയ ന്യുനമർദമായി മാറി പടിഞ്ഞാറ്- വടക്ക് പടിഞ്ഞാറു ദിശയിൽ സഞ്ചരിച്ച് 3 ദിവസത്തിനുള്ളിൽ ശ്രീലങ്കൻ തീരത്തേക്ക് നീങ്ങാനാണ് സാധ്യത.