അനുഗ്രഹ നിമിഷങ്ങളുമായി പ്രദക്ഷിണ സംഗമം

അരുവിത്തുറ: പനച്ചിപ്പാറയിൽ ഇന്നലെ അനുഗ്രഹത്തിന്റെ നിമിഷമായിരുന്നു. അരുവിത്തറ പൂഞ്ഞാർ ഫൊറോനകളിൽ നിന്നും മണിയംകുന്ന് പള്ളിയിൽ നിന്നും വിശുദ്ധ സെബസ്ത്യാനോസിന്റെ തിരുസ്വരൂപം വഹിച്ചുകൊണ്ടുള്ള പ്രദക്ഷിണ സംഗമത്തിൽ ജാതിമതഭേദമന്യേ അനേകം ആളുകൾ പങ്കെടുത്തു. തിരുസ്വരൂപങ്ങളുടെ മുൻപിലായി അൻപതോളം കൊച്ചുകുട്ടികൾ മാലാഖമാരുടെ വേഷത്തിൽ അണിനിരന്നപ്പോൾ സ്വർഗ്ഗീയ അനുഭവം പകർന്നു. പാലാ ഗുഡ് ഷെപ്പേർഡ് മൈനർ സെമിനാരി പ്രൊഫസർ റെ. ഡോ. തോമസ് പാറക്കൽ അച്ചൻ വചന സന്ദേശം നൽകി. ലദീഞ്ഞിനുo ആശീർവാദത്തിനും ശേഷം ആകാശവിസ്മയവും ഉണ്ടായിരുന്നു.