നിയമസഭാ പുസ്തകോത്സവം: വിറ്റുവരവ് 7 കോടി രൂപ

കേരള നിയമസഭാ ലൈബ്രറി ശതാബ്ദി ആഘോഷങ്ങളുടെ ഭാഗമായി 7 ദിവസം നിയമസഭാ മന്ദിരത്തിൽ സംഘടിപ്പിച്ച അന്താരാഷ്ട്ര പുസ്തകോത്സവത്തിൽ വിറ്റഴിച്ചത് 7 കോടിയിലേറെ രൂപയുടെ പുസ്തകങ്ങൾ. ഒരു ലക്ഷത്തിലധികം വിദ്യാർഥികൾ പുസ്തകോത്സവത്തിന്റെ വേളയിൽ നിയമസഭ സന്ദർശിച്ചു. രാജ്യത്തെ നിയമസഭകളുടെ ചരിത്രത്തിൽത്തന്നെ ആദ്യമായി സംഘടിപ്പിച്ച മേളയിൽ 88 പ്രസാധകർ പങ്കെടുത്തു.