15 ലക്ഷത്തോളം രൂപ ചെലവ് വരുന്ന സർജറി ഇനി സൗജന്യം

SMA ബാധിച്ച കുട്ടികൾക്ക് സ്‌പൈൻ സ്കോളിയോസിസ് സർജറിക്കായി സർക്കാർ മേഖലയിൽ ആദ്യമായി പുതിയ സംവിധാനം വരുന്നതായി ആരോഗ്യ മന്ത്രി വീണാ ജോർജ്. ഇതിനായി തിരുവനന്തപുരം മെഡിക്കൽ കോളേജ് ആശുപത്രി ഓർത്തോപീഡിക് വിഭാഗത്തിൽ പ്രത്യേക സംവിധാനമൊരുക്കും. പ്രത്യേക ഓപ്പറേഷൻ ടേബിൾ സജ്ജമാക്കും. സ്വകാര്യ ആശുപത്രികളിൽ 15 ലക്ഷത്തോളം രൂപ ചെലവ് വരുന്ന സർജറിയാണ് സൗജന്യമാക്കുന്നതെന്നും മന്ത്രി പറഞ്ഞു.