ഹോക്കി ലോകകപ്പ്; ഇന്ത്യയുടെ ആദ്യ മത്സരം ഇന്ന്

ലോകകപ്പ് ഹോക്കിയിൽ ആദ്യ ദിനം ഇന്ത്യ സ്പെയിനിനെ നേരിടും. ഇന്ത്യൻ സമയം രാത്രി ഏഴിനാണ് മത്സരം. മത്സരത്തിൽ മലയാളി താരം പിആർ ശ്രീജേഷ് ഗോൾവല കാക്കും. അതേസമയം, നാലാം തവണയാണ് ഇന്ത്യ ഹോക്കി ലോകകപ്പിന് വേദിയാവുന്നത്. 17 ദിവസം നീണ്ടുനിൽക്കുന്ന മത്സരത്തിൽ 16 ടീമുകൾ പങ്കെടുക്കുന്നു. അർജന്റീന-സൗത്ത് ആഫ്രിക്ക, ഓസ്ട്രേലിയ-ഫ്രാൻസ്, ഇംഗ്ലണ്ട്-വെയിൽസ് പോരാട്ടങ്ങളും ഇന്ന് നടക്കും.