പാലക്കാട് ജനവാസ മേഖലയിൽ ഭീതി പരത്തി വീണ്ടും 'PT സെവൻ'

പാലക്കാട് ധോണിയിലെ ജനവാസ മേഖലയിൽ വീണ്ടും PT സെവൻ എന്ന കാട്ടാന ഇറങ്ങി. ലീഡ് കോളേജിന്റെ പരിസര പ്രദേശങ്ങളിലാണ് ആനയുടെ ഭീഷണിയുള്ളത്. വനംവകുപ്പ് ഉദ്യോഗസ്ഥർ സംഭവസ്ഥലത്തെത്തി കാട്ടാനയെ തുരത്താനുളള ശ്രമങ്ങൾ ആരംഭിച്ചിട്ടുണ്ട്. ആനയെ മയക്ക് വെടിവെച്ച് വീഴ്ത്താനുള്ള ശ്രമത്തിലാണ് ഉദ്യോഗസ്ഥർ. ഇതിനായുള്ള നടപടികൾ പൂർത്തീകരിച്ചിട്ടുണ്ട്. രാത്രിയോടെ കാടിറങ്ങുന്ന ആന പകൽ സമയങ്ങളിൽ മാത്രമേ തിരിച്ചു പോകാറുള്ളൂ.