കണ്ണൂരില്‍ കുഞ്ഞിനെ കൊലപ്പെടുത്തിയത് ബന്ധുവായ 12 കാരി

കണ്ണൂർ പാപ്പിനിശ്ശേരിയിൽ നാലു മാസം പ്രായമുള്ള കുഞ്ഞിനെ കിണറ്റില്‍ മരിച്ച നിലയില്‍ കണ്ടെത്തിയ സംഭവം കൊലപാതകമെന്ന് പൊലീസ്. കുഞ്ഞിനെ കൊലപ്പെടുത്തിയത് ബന്ധുവായ 12 വയസുകാരിയാണെന്ന് പൊലീസ് അറിയിച്ചു. പെൺകുട്ടി കുറ്റം സമ്മതിച്ചതായി പൊലീസ് പറഞ്ഞു. പാറക്കലിൽ താമസിക്കുന്ന തമിഴ്നാട് സ്വദേശികളുടെ കുഞ്ഞാണ് കൊല്ലപ്പെട്ടത്. തിങ്കളാഴ്ച രാത്രിയാണ് കുഞ്ഞിനെ കാണാതായത്. പിന്നീട് തിരച്ചിലിനിടെ സമീപത്തെ കിണറ്റില്‍ നിന്ന് കുഞ്ഞിന്റെ മൃതദേഹം കണ്ടെത്തുകയായിരുന്നു. തുടക്കം മുതൽ സംഭവം കൊലപാതകമാകാമെന്ന് പൊലീസിന് സംശയമുണ്ടായിരുന്നു.​ തുടർന്നു നടത്തിയ അന്വേഷണത്തിലും ചോദ്യം ചെയ്യലിലുമാണ് കേസിൽ വഴിത്തിരിവുണ്ടായത്.