എലപ്പുള്ളി മദ്യ നിർമ്മാണശാല; ചട്ടവിരുദ്ധമായി കൂടുതൽ ഭൂമി കൈവശം വെച്ചു

പാലക്കാട്ടെ എലപ്പുള്ളി മദ്യ നിർമ്മാണശാല തുടങ്ങുന്ന ഒയാസിസിനെതിരെ കേസ് എടുക്കാൻ റവന്യൂ വകുപ്പ് നിർദ്ദേശം. ചട്ടവിരുദ്ധമായി കൂടുതൽ ഭൂമി കൈവശം വച്ചതിനാൽ മിച്ചഭൂമി കേസെടുക്കാമെന്ന് റവന്യു വകുപ്പ് നിയമസഭയിൽ അറിയിച്ചു.എലപ്പുള്ളി മദ്യ നിർമ്മാണ ശാലയ്ക്ക് അനുമതി ലഭിച്ച ഒയാസിസിനെതിരെ റവന്യൂ വകുപ്പ് നടപടി തുടരുകയാണ്. 1963 ലെ ചട്ടപ്രകാരം കമ്പനിക്ക് കൈവശം വക്കാവുന്നത് പരമാവധി 12 മുതൽ 15 ഏക്കർ വരെയാണ്.എന്നാൽ ഒയാസിസിന്റെ കൈവശം 23.92 ഏക്കർ ഭൂമിയുണ്ട്.