സൗന്ദര്യം പ്രചരിപ്പിക്കുകയും ആളുകളെ ഒന്നിപ്പിക്കുകയും ചെയ്യുന്ന ഒരു സാവത്രിക ഭാഷയാണ് കല

റോമിലെ ജെമെല്ലി ആശുപത്രിയിൽ ബ്രോങ്കൈറ്റിസിൽ നിന്ന് സൗഖ്യം പ്രാപിച്ചുകൊണ്ടിരിക്കുന്ന പരിശുദ്ധ പിതാവ് തന്റെ ഞായറാഴ്ചയിലെ ത്രികാലജപ സന്ദേശത്തിൽ വിശ്വാസികൾക്കൊപ്പം ആയിരിക്കാൻ കഴിയാത്തതിൽ ദുഃഖം പ്രകടിപ്പിച്ചു, ജനങ്ങളെ ഒരുമിപ്പിക്കുന്നതിലും സമാധാനം വളർത്തുന്നതിലും കലയുടെ പങ്ക് എടുത്തുകാട്ടി. കലാകാരന്മാർക്കായി വത്തിക്കാനിൽ പരിപാടി സംഘടിപ്പിച്ച സാംസ്കാരിക വിദ്യാഭ്യാസ ഡികാസ്റ്ററിയെ അഭിനന്ദിക്കുകയും ചെയ്തു. തന്റെ പ്രഭാഷണത്തിൽ, കല “സൗന്ദര്യം പ്രചരിപ്പിക്കുകയും ജനങ്ങളെ ഒരുമിപ്പിക്കുകയും ചെയ്യുന്ന സാർവലൗകിക ഭാഷ” ആണെന്ന് പോപ്പ് ഫ്രാൻസിസ് വിശേഷിപ്പിച്ചു, “യുദ്ധത്തിന്റെ നിലവിളികൾ” നിശബ്ദമാക്കാനുള്ള അതിന്റെ കഴിവ് എടുത്തുകാട്ടി. തനിക്ക് ലഭിക്കുന്ന വൈദ്യസഹായത്തിന് പരിശുദ്ധ പിതാവ് നന്ദി പ്രകടിപ്പിക്കുകയും, തനിക്ക് ലഭിക്കുന്ന പ്രാർത്ഥനകൾക്ക് വിശ്വാസികളോട് നന്ദി പറയുകയും ചെയ്തു.”കൃപാപൂർണ്ണയായ” കന്യകാമറിയത്തോടുള്ള പ്രാർത്ഥനയോടെ സന്ദേശം അവസാനിച്ചു.