പത്തുവര്‍ഷം മുമ്പ് ലയണല്‍ മെസിക്കൊപ്പം ഒരു ഫോട്ടോയെടുക്കാന്‍ കൊതിച്ചു നിന്ന പയ്യന്‍ ഇന്ന് അര്‍ജന്റീനയുടെ പുത്തന്‍ ഗോളടി പ്രതീക്ഷയായി വളര്‍ന്നിരിക്കുന്നു. ക്രൊയേഷ്യയ്‌ക്കെതിരേ സെമിഫൈനലില്‍ അര്‍ജന്റീനയുടെ മനോഹരമായ രണ്ടു ഗോളുകള്‍ നേടിയ ജൂലിയന്‍ അല്‍വരസിന്റെ കാര്യമാണ് പറയുന്നത്.
മനോഹരമായ ഗോളുകളോടെ വീണ്ടും ഈ ലോകകപ്പില്‍ ലക്ഷ്യംകണ്ട അല്‍വരസിന്റെ മെസിക്കൊപ്പമുള്ള പഴയ പയ്യന്‍ ചിത്രം ഇപ്പോള്‍ വൈറലായിട്ടുണ്ട്. മെസി ഫാനില്‍ നിന്നും മെസിക്കൊപ്പം വലകുലുക്കി അര്‍ജന്റീനയുടെ ഭാവി പ്രതീക്ഷയാകുകയാണ് ഈ 22 കാരന്‍.
