ലഹരി മാഫിയ സംഘം എട്ടാം ക്ലാസുകാരിയെ മയക്കുമരുന്ന് കാരിയറാക്കിയ സംഭവം വടകര ഡിവൈഎസ്പിയുടെ നേതൃത്വത്തിലുള്ള സംഘം അന്വേഷിക്കും. വിദ്യാർത്ഥിനിയിൽ നിന്ന് പൊലീസ് വീണ്ടും മൊഴിയെടുത്തു. ലഹരി സംഘം തന്നെ കാരിയറായി ഉപയോഗിച്ചുവെന്ന കുട്ടിയുടെ വെളിപ്പെടുത്തൽ ഞെട്ടലോടെയാണ് കേരളം കേട്ടത്. അഴിയൂരിലാണ് സംഭവം നടന്നത്. ചോമ്പാല പൊലീസിൽ പരാതി നൽകിയെങ്കിലും കാര്യമായ നടപടി എടുത്തില്ലെന്ന് ആരോപണമുണ്ടായിരുന്നു.
