കാഞ്ഞിരമറ്റം: എസ് .എം. വൈ.എം കാഞ്ഞിരമറ്റം യൂണിറ്റിന്റെ ആഭിമുഖ്യത്തിൽ കൈത്താങ്ങ് എന്ന പദ്ധതിയിലൂടെ പഠനോപകരണ വിതരണവും നടത്തി. പഠനോപകരണങ്ങൾ വാങ്ങാൻ ബുദ്ധിമുട്ടനുഭവിക്കുന്ന കാഞ്ഞിരമറ്റം ലിറ്റിൽ ഫ്ലവർ സ്കൂളിലെ കുട്ടികളെ സഹായിക്കുകയാണ് പദ്ധതിയുടെ ലക്ഷ്യം. പഠനോപകരണ വിതരണം എസ്.എം.വൈ.എം എ യൂണിറ്റ് ആനിമേറ്റർ റോബേഷ് ഉറവിൽ, ബി യൂണിറ്റ് ആനിമേറ്റ൪ സി. റെൻസി ഓലേടത്ത് ,എ യൂണിറ്റ് സെക്രട്ടറി മോൻസ് ചെരിപുറത്ത്, ജോയിൻ സെക്രട്ടറി റ്റോജി വാളാടിമാക്കൽ, ബി യൂണിറ്റ് പ്രസിഡന്റ് മെറീസ് ചെരിപുറത്ത് വൈസ് പ്രസിഡന്റ് സെറീന കപ്പലുമാക്കൽ എന്നിവർ ഹൈസ്കൂൾ ഹെഡ്മിസ്ട്രസ്സ് സി. ലിസ ഇഞ്ചക്കുഴി, എൽ പി സ്കൂൾ ഹെഡ്മിസ്ട്രസ്സ് സി. ലിൻസി എസ്.എ.ബി.എസ് എന്നിവർക്ക് നൽകി നിർവ്വഹിച്ചു. കാഞ്ഞിരമറ്റം മാ൪ സ്ലീവ പള്ളി വികാരി ഫാ. അബ്രാഹം ഏരിമറ്റത്തിൽ, എസ്.എം.വൈ.എം ഡയറക്ടർ ഫാ .ജോൺ കൂറ്റാരപ്പള്ളി,എ,ബി .യൂണിറ്റ് അംഗങ്ങൾ എന്നിവർ പരിപാടികൾക്ക് നേതൃത്വം നൽകി.
