യുദ്ധം പിച്ചിച്ചീന്തിയിരിക്കുന്ന ഉക്രൈയിനിൽ തിരുപ്പിറിവിയിലേക്കുള്ള പ്രയാണം പ്രത്യാശയോടെ മുന്നേറുന്നുവെന്ന് അന്നാട്ടിലെ ഫ്രാൻസിസ്ക്കൻ പ്രൊവിൻഷ്യാൾ ബെനെഡിക്ട് സ്വിദേർസ്കി.
മുൻവർഷങ്ങളെ അപേക്ഷിച്ച് ചെലവ് ചുരുക്കിയാണെങ്കിലും ക്രിസ്തുമസ്സ് ദീപാലങ്കാരങ്ങളും മറ്റും ഉണ്ടാകുമെന്ന് ഫാദർ സ്വിദേർസ്കി പറഞ്ഞു. യുദ്ധക്കെടുതികൾ തിരുപ്പിറവി അതിൻറെ യഥാർത്ഥ ചൈതന്യത്തോടെ ആചരിക്കാൻ തങ്ങളെ പ്രാപ്തരാക്കുന്നുവെന്നും ഒരു പാർപ്പിടമില്ലാതെ ഒരു കാലിത്തൊഴുത്തിൽ പിറന്നുവീണ ക്രിസ്തു അനുഭവിച്ച ആ ദാരിദ്ര്യം ഇപ്പോൾ ഉപരിമെച്ചപ്പെട്ട രീതിയിൽ തങ്ങൾക്കു മനസ്സിലാക്കാൻ കഴിയുന്നുവെന്നും വത്തിക്കാൻ വാർത്താവിഭാഗത്തോട് സംസാരിക്കവെ അദ്ദേഹം കൂട്ടിച്ചേർത്തു.
ഈ തിരുപ്പിറവിയാഘോഷത്തിലേക്കുള്ള പ്രയാണം കൂടുതൽ വേദനാപൂരിതമാണെന്നിരിക്കിലും വിശ്വാസികളുടെ അനുദിന ജീവിതത്തിൽ പ്രാർത്ഥന പ്രാഥമ്യം നേടുന്നുണ്ടെന്നും അവരുടെ പ്രാർത്ഥനാ ജീവിതനിലവാരം ഉയർന്നുവെന്നും ഫാദർ സ്വിദേർസ്കി പറഞ്ഞു. ജൂലിയൻ പഞ്ചാംഗം പിൻചെന്നുകൊണ്ട് ജനുവരി 7-ന് തിരുപ്പിറവിത്തിരുന്നാൾ ആചരിച്ചുപോരുന്ന ഉക്രൈയിനിലെ ഓർത്തൊഡോക്സ് സഭയും ഗ്രീക്ക് കത്തോലിക്കാസഭയും ഇക്കൊല്ലം ലത്തീൻ സഭയോടു ചേർന്ന് ഡിസമ്പർ 25-ന് ഈ തിരുന്നൾ ആചരിക്കാൻ തീരുമാനിച്ചിരിക്കയാണ്. ഈ തീരുമാനം ഐക്യത്തിൻറെയും പ്രായോഗിക ക്രൈസ്തവ അനുരഞ്ജനത്തിൻറെയും അടയാളമാണെന്ന് ഫാദർ സ്വിദേർസ്ക്കി സന്തുഷ്ടി പ്രകടിപ്പിച്ചു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക*
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
