ചേർപ്പുങ്കൽ ബി വി എം ഹോളിക്രോസ് കോളേജിൽ ലൈബ്രറി വിഭാഗത്തിന്റെ ആഭിമുഖ്യത്തിൽ പുസ്തകദിനാചരണം നടത്തി.
വിശ്വപ്രസിദ്ധ നാടകരചയിതാവായ ഷെയ്ക്സ്പിയരുടെ ചരമദിനമാണ് ലോകപുസ്തകദിനം.കോളേജ് ലൈബ്രേറിയൻ ശ്രി. സജി കെ ജി മീറ്റിംഗിനു സ്വാഗതം ആശംസിച്ചു. കോളേജിൽ പുതുതായി ആരംഭിക്കുന്ന ഹൂമൻ ലൈബ്രറി യുടെയും ബുക്ക് റിവ്യു പ്ലാറ്റ് ഫോമിന്റെയും ഉദ്ഘാടനം റവ.ഡോ. ബേബി സെബാസ്റ്റ്യൻ നിർവ്വഹിച്ചു. ഓരോ മനുഷ്യനും ഓരോ പുസ്തകമാണ്.മനുഷ്യരെ ക്ഷമയോടെ കേൾക്കാനുള്ള സംരംഭമാണ് മനുഷ്യലൈബ്രറി.85 രാജ്യങ്ങളിൽ ഇത്തരം ലൈബ്രറികൾ പ്രവർത്തക്കുന്നുണ്ട്. ഇന്ത്യയിൽ 17 മനുഷ്യഗ്രന്ഥശാലകൾ ഉണ്ട്. കേരളത്തിലെ പ്രഥമ ഹൂമൻ ലൈബ്രറിയ്കാണ് ബി വി എം കോളേജിൽ തുടക്കം കുറിച്ചത്. ഓരോദിവസവും ഒരു പുസ്തകം പരിചയപ്പെടാനുള്ള അവസരമാണ് ബുക് റിവ്യു ഫ്ളാറ്റ് ഫോം. സമ്മേളനത്തിന് ശ്രീമതി താരാ മാത്യു നന്ദി പറഞ്ഞു.
