കത്തോലിക്കാ സഭാതലത്തിൽ ആചരിക്കപ്പെടുന്ന മുപ്പത്തിയേഴാം ലോകയുവജന സംഗമത്തിൽ ഇന്ത്യയിൽ നിന്ന് ആയിരത്തിലേറെ കത്തോലിക്ക യുവതീയുവാക്കൾ പങ്കെടുക്കും.
ഇവരിൽ 900-ത്തോളം യുവതീയുവാക്കളും ബാക്കിയുള്ളവർ അവരെ നയിക്കുന്ന മെത്രാന്മാരും വൈദികരും അല്മായരുമായിരിക്കും. ഇവർക്കു പുറമെ ജീസസ് യൂത്തിൻറെയും സന്ന്യാസിനി സമൂഹങ്ങളുടെയും പ്രതിനിധികളും ഈ യുവജനസംഗമത്തിൽ പങ്കുചേരും. മണിപ്പൂരിലെ തങ്ങളുടെ സമപ്രായക്കാരുടെ ആശങ്കളുടെയും വേദനകളുടെയും സംവാഹകർ എന്ന നിലയിലുമാണ് ഈ യുവതീയുവാക്കൾ ഈ യുവജനദിനാചരണത്തിൽ പങ്കുചേരുക.
പോർച്ചുഗലിൻറെ തലസ്ഥാനമായ ലിസ്ബൺ ആണ് ആഗസ്റ്റ് 1-6 വരെ സാർവ്വത്രികസഭാതലത്തിൽ സംഘടിപ്പിക്കപ്പെടുന്ന ഈ യുവജനസംഗമത്തിൻറെ വേദി. ഈ ദിനാചരണത്തോടനുബന്ധിച്ച് ഫ്രാൻസീസ് പാപ്പാ ആഗസ്റ്റ് 2-ന് ലിസ്ബണിൽ എത്തും. ആറാം തീയതിയായിരിക്കും പാപ്പാ വത്തിക്കാനിലേക്കു മടങ്ങുക.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/GF8mrpEZuBJ5snkCWn0lvN
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
