വിജയ ദിനാഘോഷം

രാമപുരം:- രാമപുരം സെൻറ് അഗസ്റ്റിൻസ് ഹയർ സെക്കണ്ടറി സ്കൂളിലെ വിജയ ദിനാഘോഷം നാളെ (16/6/2023) വെള്ളിയാഴ്ച ഉച്ചകഴിഞ്ഞ് 2 മണിയ്ക്ക് പാരീഷ് ഹാളിൽ വച്ചു നടത്തുന്നു. സ്കൂൾ മാനേജർ റവ.ഡോ. ജോർജ് വർഗ്ഗീസ് ഞാറക്കുന്നേൽ അധ്യക്ഷത വഹിക്കും. ഇൻകം ടാക്സ് അഡീഷണൽ കമ്മീഷണർ ജ്യോതിസ് മോഹൻ ഐ.ആർ.എസ് മെറിറ്റ് ഡേ ആഘോഷം ഉദ്ഘാടനം ചെയ്യും. SSLC, പ്ലസ് ടു പരീക്ഷകളിൽ മികച്ച വിജയം കൈവരിച്ച പ്രതിഭകളെ ചടങ്ങിൽ അനുമോദിക്കും. SSLC യ്ക്ക് 38 Full A+ ഉം പ്ലസ് ടു പരീക്ഷക്ക് 21 Full A+ ഉം നേടി മികച്ച വിജയമാണ് സ്കൂൾ സ്വന്തമാക്കിയത്. രാമപുരം പഞ്ചായത്ത് വൈസ് പ്രസിഡൻ്റ് സണ്ണി അഗസ്റ്റിൻ പൊരുന്നക്കോട്ട്, പി.റ്റി.എ പ്രസിഡൻ്റ് സിബി മണ്ണാ പറമ്പിൽ, അലുംമ്നി അസോസിയേഷൻ പ്രസിഡൻറ് അഡ്വ.ബിജു പുന്നത്താനം
അദ്ധ്യാപക- വിദ്യാർഥി പ്രതിനിധികൾ എന്നിവർ ആശംസകൾ നേരും. സ്കൂൾ പ്രിൻസിപ്പൽ സിജി സെബാസ്റ്റൻ സ്വാഗതവും ഹെഡ്മാസ്റ്റർ സാബു തോമസ് നന്ദിയും രേഖപ്പെടുത്തും.