അഭിമാനമാകാൻ കൊച്ചിയിൽ ഒരുങ്ങുന്നു രാജ്യത്തെ ആദ്യത്തെ വാട്ടർ മെട്രോ

കൊച്ചിയിൽ വാട്ടർ മെട്രോയുടെ ഉദ്ഘാടനത്തിന്റെ അവസാനവട്ട ഒരുക്കങ്ങൾ തകൃതിയായി നടക്കുകയാണ്. ചൊവ്വാഴ്ച തിരുവനന്തപുരത്ത് പ്രധാനമന്ത്രി ഓൺലൈൻ ആയി വാട്ടർ മെട്രോ കമ്മീഷൻ ചെയ്യും. രാജ്യത്തെ ആദ്യ വാട്ടർ മെട്രോയ്ക്കാണ് കൊച്ചിയിൽ തുടക്കമാവുന്നത്. സ്വന്തം ഡിസൈനിൽ അത്യാധുനിക സംവിധാനങ്ങളോടെയാണ് 9 ബോട്ടുകൾ സർവീസ് ആരംഭിക്കുക. ഹൈക്കോടതി ജംഗ്ഷനിൽ നിന്ന് ബോൾഗാട്ടി, വൈപ്പിൻ ദ്വീപുകളെ ബന്ധിപ്പിച്ചാകും ആദ്യ സർവീസ്.