അരുവിത്തുറ സെന്റ് ജോർജ് ഫൊറോനാ പള്ളിയിൽ വിശുദ്ധ ഗീവർഗീസ് സഹദായുടെ തിരുനാളിനോടനുബന്ധിച്ച് ടീം അരുവിത്തുറ അണിയിച്ചൊരുക്കുന്ന ആൽബം ഏപ്രിൽ 14 ന് റിലീസ് ചെയ്യും
അരുവിത്തുറ : അരുവിത്തുറ സെന്റ് ജോർജ് ഫൊറോനാ പള്ളിയിൽ വിശുദ്ധ ഗീവർഗീസ് സഹദായുടെ ഈ വർഷത്തെ (2023) തിരുനാളിനോടനുബന്ധിച്ച് ടീം അരുവിത്തുറ അണിയിച്ചൊരുക്കുന്ന ആൽബം ‘ അരുവിത്തുറ ‘ 2023 ഏപ്രിൽ 14 രാവിലെ 6: 30 ന് അരുവിത്തുറ പള്ളിയുടെ ഒഫീഷ്യൽ യൂട്യൂബ് ചാനലിൽ റിലീസ് ചെയ്യും.
തലനാട് ജോയി രചനയും സംഗീതവും നിർവഹിച്ചിരിക്കുന്ന ഈ ഗാനം ആലപിച്ചിരിക്കുന്നത് പ്രശസ്ത ഗായകൻ കെസ്റ്റർ ആണ്. പാരമ്പര്യം അനുസരിച്ച് എ.ഡി. 151 ൽ അരുവിത്തുറയിൽ പള്ളി സ്ഥാപിക്കപ്പെട്ടു. തോമാ സ്ലീഹായിൽ നിന്ന് വിശ്വാസം സ്വീകരിച്ച സമൂഹം ഇവിടെയുണ്ടായിരുന്നു. അതുകൊണ്ട് തന്നെ പാലാ രൂപതയിലെ ഏറ്റവും പുരാതനമായ ദൈവാലയമാണ് അരുവിത്തുറ പള്ളി.
ചരിത്രപ്രസിദ്ധമായ അരുവിത്തുറ തിരുനാൾ 2023 ഏപ്രിൽ 15 ശനി മുതൽ മെയ് 2 ചൊവ്വ വരെയാണ്. ഏപ്രിൽ 22 ന് പ്രധാന തിരുനാളിനുള്ള കൊടിയേറും. അന്ന് വൈകുന്നേരം 6 :30ന് 101 പൊന്നും കുരിശുമായുള്ള നഗരപ്രദക്ഷിണം നടക്കും.
പ്രധാന തിരുനാൾ ദിനമായ ഏപ്രിൽ 24 പൂർണ്ണ ദണ്ഡവിമോചന ദിനമാണ്. തിരുനാളിനോട് അനുബന്ധിച്ചുള്ള ഒരുക്കങ്ങൾ പള്ളിയിൽ ആരംഭിച്ചു കഴിഞ്ഞു.
വാർത്തകൾക്കായി പാലാ വിഷന്റെ കമ്മ്യൂണിറ്റിയിൽ അംഗമാകുക
https://chat.whatsapp.com/LaaDUaR3VUGFfezf7dx3Em
👉 visit our website pala.vision
