8 വയസുകാരിയുടെ ധീരതയ്ക്ക് ആരോഗ്യ മന്ത്രിയുടെ മധുരം

മാവേലിക്കര കിണറ്റിൽ വീണ 2 വയസുകാരനെ സാഹസികമായി രക്ഷപ്പെടുത്തിയ സഹോദരിയായ 8 വയസുകാരിക്ക് ആരോഗ്യ മന്ത്രി വീണാ ജോർജ് മിഠായിപ്പൊതി എത്തിച്ച് നൽകി. കിണറ്റിൽ വീണ മാങ്കാംകുഴി കല്ലിത്തുണ്ടം സനലിന്റെയും ഷാജിലയുടെയും മകൻ ഇവാനിനെ മൂത്ത സഹോദരി ദിയയാണ് രക്ഷിച്ചത്. മന്ത്രി വീഡിയോകോൾ ചെയ്ത് കുട്ടിയുമായി സംസാരിച്ചു. കുട്ടിക്ക് മന്ത്രി എല്ലാവിധ ആശംസകളും നേർന്നു.