പാലാ . വിവിധ അപകടങ്ങളിൽ പരുക്കേറ്റ 6 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ദേശീയപാതയിൽ കാഞ്ഞിരപ്പള്ളി 26ാം മൈൽ ജംക്ഷനിൽ ബസിനു പിന്നിൽ കാർ ഇടിച്ച് ഇടുക്കി സ്വദേശികളായ ആന്റണി മാത്യു ( 72), ലിജോ ജോസ് ( 46) എന്നിവർക്ക് പരുക്കേറ്റു. ഇന്നലെ അർധരാത്രിയിലായിരുന്നു അപകടം.
കാറുകൾ തമ്മിൽ കൂട്ടിയിടിച്ച് പള്ളിക്കത്തോട് അരുവിക്കുഴി സ്വദേശികളായ ജാനറ്റ് ജോർജ് ( 62), ജോസഫ് എം.ജെ. ( 73) എന്നിവർക്ക് പരുക്കേറ്റു.അർധരാത്രിയിൽ പാലായിൽ വച്ചായിരുന്നു അപകടം. കാറും ബൈക്കും തമ്മിൽ കൂട്ടിയിടിച്ച് മൂവാറ്റുപുഴ സ്വദേശി സിദ്ദിഖ്വൽ അക്ബറിനു (17)പരുക്കേറ്റു. ഇന്ന് പുലർച്ചെ മൂവാറ്റുപുഴയിൽ വച്ചായിരുന്നു അപകടം.
കാറും ബൈക്കും തമ്മിൽ കൂട്ടിയിടിച്ചു കൊഴുവനാൽ സ്വദേശി മാത്യുവിന് ( 62) പരുക്കേറ്റു. ഇന്ന് രാവിലെ 9.30യോടെ ചേർപ്പുങ്കൽ ഭാഗത്ത് വച്ചായിരുന്നു അപകടം.
