ഭരണങ്ങാനം: ഭാരതത്തിന്റെ പ്രഥമ വിശുദ്ധ അൽഫോൻസാമ്മയെ വിശുദ്ധ ജോൺപോൾ രണ്ടാമൻ മാർപാപ്പ വാഴ്ത്തപ്പെട്ടവളായി പ്രഖ്യാപിച്ചതിന്റെ നാൽപ്പതാം വാർഷികം ഭരണങ്ങാനം സെന്റ് അൽഫോൻസാ തീർത്ഥാടന കേന്ദ്രത്തിൽ ആഘോഷിക്കുന്നു. 1986 ഫെബ്രുവരി 8-നായിരുന്നു ആ ചരിത്ര പ്രഖ്യാപനം. ഇതിന്റെ സ്മരണയ്ക്കായി ഫെബ്രുവരി 7, 8 തീയതികളിൽ ഏകദിന സെമിനാറും റൂബി ജൂബിലി ആഘോഷങ്ങളും നടക്കും.
ഫെബ്രുവരി 7: ഏകദിന സെമിനാർ
ശനിയാഴ്ച രാവിലെ 9:30 മുതൽ വൈകുന്നേരം 4:30 വരെ നീളുന്ന സെമിനാറിൽ പ്രമുഖ പണ്ഡിതർ വിവിധ വിഷയങ്ങളിൽ ക്ലാസുകൾ നയിക്കും.
ഉദ്ഘാടനം: വടവാതൂർ സെമിനാരി റെക്ടർ റവ. ഡോ. ഡോമിനിക് വെച്ചൂർ സെമിനാർ ഉദ്ഘാടനം ചെയ്ത് ആമുഖ സന്ദേശം നൽകും.
സെഷൻ 1 & 2: “കൂദാശകളിലൂടെ ക്രിസ്തുവിനെ അറിയുക” – ഡോ. പോളി മണിയാട്ട്.
സെഷൻ 3: “വി. ഫ്രാൻസിസ് അസീസിയുടെ വർഷം” – പ്രൊഫ. സണ്ണി കുര്യാക്കോസ് (ഉച്ചയ്ക്ക് 12:30-ന്).
സെഷൻ 4: “ഫ്രാൻസിസ്കൻ ചൈതന്യം അൽഫോൻസയിൽ” – ഫാ. ആദർശ് വടക്കേടത്ത് കപ്പുച്ചിൻ (ഉച്ചയ്ക്ക് 2:00-ന്).
സെഷൻ 5: “മറിയം വിശ്വാസികളുടെ അമ്മ” (വത്തിക്കാൻ രേഖാ വിശകലനം) – റവ. ഡോ. ജോഷി മയ്യാറ്റിൽ (വൈകുന്നേരം 3:00-ന്).
രാവിലെ 11:20-ന് ‘സ്നേഹ പാരമ്യം’ വിശുദ്ധ കുർബാനയും ഉണ്ടായിരിക്കും.
ഫെബ്രുവരി 8-ന് റൂബി ജൂബിലിയുടെ ഭാഗമായുള്ള പ്രധാന ആഘോഷ ചടങ്ങുകൾ ഭരണങ്ങാനത്ത് നടക്കും. വിശുദ്ധയുടെ പാത പിന്തുടരുന്ന വിശ്വാസിസമൂഹം ഈ ചരിത്ര മുഹൂർത്തത്തിന് സാക്ഷ്യം വഹിക്കാൻ ഭരണങ്ങാനത്തേക്ക് ഒഴുകിയെത്തും.
