വനിത ഉൾപ്പെടെ 4 സഞ്ചാരികൾ; ചന്ദ്രനെ ചുറ്റുന്ന ആദ്യ വനിതയാകാൻ ക്രിസ്റ്റീന

യുഎസ് ബഹിരാകാശ ഏജൻസി നാസയുടെ ചന്ദ്രയാത്രാ പദ്ധതിയായ ആർട്ടെമിസിന്റെ രണ്ടാം ദൗത്യത്തിലെ 4 സഞ്ചാരികളെയും പ്രഖ്യാപിച്ചു. അമേരിക്കക്കാരായ 2 പുരുഷന്മാരും ഒരു വനിതയും കൂടാതെ ഒരു കാനഡക്കാരനാണ് സംഘത്തിലുള്ളത്. ക്രിസ്റ്റീന കോക്, ജെർമി ഹാൻസൻ, വിക്ടർ ഗ്ലോവർ, റീഡ് വൈസ്മെൻ എന്നിവർ അടുത്ത 2 വർഷത്തേക്ക് പദ്ധതിയുടെ ഭാഗമാകും. 2024 നവംബറിലാണ് ആർട്ടിമിസ് 2 ദൗത്യം.