13 ഇടങ്ങളിൽ പുതിയ ഗവർണർമാർ

രാജ്യത്ത് 13 പുതിയ ഗവർണർമാരെ നിയമിച്ച് രാഷ്ട്രപതി ദ്രൗപതി മുർമു. ലഡാക്കിൽ RK മാത്തൂറിന് പകരം BD മിശ്രയും ലഫ്. ജനറൽ കൈവല്യ ത്രിവിക്രം പർനായിക് അരുണാചലിലും ഗവർണറാകും. ലക്ഷ്മൺ പ്രസാദ് ആചാര്യയാണ് പുതിയ സിക്കിം ഗവർണർ. മഹാരാഷ്ട്രയിൽ രജേഷ് ബയിസ് ഗവർണറാകും. ഗുലാബ് ചന്ദ് കട്ടാരിയ അസമിലും മുൻ സുപ്രീം കോടതി ജഡ്ജ് S അബ്ദുൾ നസീർ ആന്ധ്രയിലും ഗവർണർമാരാകും.
ബിശ്വാ ഭൂഷൺ ഹരിചന്ദ്രൻ ഛത്തീസ്ഗഡ് ഗവർണറാകും. ഛത്തീസ്ഗഡ് ഗവർണറായിരുന്ന അനുസൂയ ഉയിക്യയെ മണിപ്പൂരിലേക്കാണ് മാറ്റിയത്. മണിപ്പൂർ ഗവർണറായിരുന്ന ലാ ഗണേശൻ നാഗാലാൻഡ് ഗവർണറാകും. ബിഹാർ ഗവർണർ ഫാഗു ചൗഹാൻ മേഘാലയ ഗവർണറാകും. ഹിമാചൽ ഗവർണർ രാജേന്ദ്ര വിശ്വനാഥ് അർലേക്കർ ബിഹാർ ഗവർണറാകും.