നോമ്പ് നാലാം വ്യാഴം
(വി.യോഹന്നാൻ:7:1-13)
“നീ ഇതെല്ലാം ചെയ്യുന്നുവെങ്കിൽ നിന്നെ ലോകത്തിനു വെളിപ്പെടുത്തുക”
ക്രിസ്തുവിന്റെ സഹോദരർ തന്നെ അവനെ വെല്ലുവിളിക്കുന്ന ഭാഗമാണിത്. എന്റെ സമയം ഇതുവരെയും ആയിട്ടില്ല എന്നതായിരുന്നു അവന്റെ മറുപടി.
വിശ്വാസ ജീവിതത്തിൽ അനേകം പരീക്ഷണങ്ങളും വെല്ലുവിളികളും കടന്നുവരാനിടയുണ്ട്. ദൈവത്തിന്റെ ഹിതത്തിനും സമയത്തിനും വേണ്ടിയുള്ള കാത്തിരിപ്പിൽ ദൈവം ഇടപെടും എന്നത് തീർച്ച. പ്രശസ്തിയോ പെരുമയോ അല്ല വിശ്വാസിയെ നയിക്കേണ്ടത് , ദൈവത്തോടുള്ള തുറവിയാണ്. ലോക സുഖത്തിലേയ്ക്ക് നോക്കാതെ ദൈവത്തിലേയ്ക്ക് മിഴിയൂന്നാൻ കഴിയണം.
